“ASKATASUNA KONTU SERIOA DA”

07/12/2021

Pantx Recordsen nobedade berria hemen da: *Pantx Liburuak* ??

  • Beñat Gabiñaren eskutik,
  • Fermin Muguruza: hitzaurrea,
  • Andoni Ferndandez: ilustrazioak

Zurrumurru bat haizean hegaka zebilen aspaldian, Euskal Herriko txoko ezberdinetan honen inguruan mintzo zen, sare sozialak sutan zeuden eta borroka gogor eta luze baten ondorioz, hemen da azkenean, Pantx Recordsen atal/hanka berria: Pantx Liburuak!

Horrelako berritasun bereziaren aurrean, bilduma berria, gonbidatu berezi batekin hastea nahi genuen,nola ez! Fite Dem Back edota Forces of Viktry bezalako ostotsen eztanda, lehen aldiz euskeraz entzuteko danbada izango dugu aurki, Pantx Recordsek aurkezten duen “Askatasuna kontu serioa da” liburuaren eskutik. Linton Kwesi Johnson jamaikar ekintzailearen poema antologia lehen aldiz euskerara ekartzea izan da Pantx Recordsen azkeneko ausardia. Gainera, Pantx Recordsen lehenengo erreferentziaren besapean beste gonbidatu berezi bat dator: Fermin Muguruzaren hitzaurrea.

Linton Kwesi Johnsonen poesiaren sarrera egiteko, artista ezinhobea da Fermin, bere hastapenetik, LKJren ibilbidea artistikoak zeharo balintzatu baitu bere sorkuntza musikala. Askatasun kontu serioa liburuak LKJren ibilbide poetiko eta musikala laburbiltzen dituzten 43 poema irakurtzeko aukera eskaintzen dizue, alta ,70. hamarkadan garatutako Dub Poetryren estiloa ezagutzeko aukera pareagabea izango duzue esku artean. Linton Kwesi Johnsonek, hitzen indarrarekin eta reggae musikaren laguntzarekin, garai horretako gizarte britaniarraren oinarriak astindu eta irauli zituen, antirazismoaren, injustiziaren, askatasunaren, langile kontzientziaren, sozialismoaren bandera haizeatuz, mundu hobeago, eder, justo eta zoriontsu baten bila. Liburuan, LKJren hitzak oinarrituz ilustrazio ezberdinekin hordituta dator, bateriaren kolpe hotsen eta baxuaren erritmoan maisutasunez eta maitasunez txirikordatutako irudiak, artistaren unibertso poetikoa-politikoa ulertzen ederki lagunduko gaituztenak.

Bere literatur obragatik zein bere askatasuna eta eskubideen aldeko borrokan egindako ekarpenengatik, nazioarte mailan hainbestea saritua izan den artitsa dugu LKJ eta horrexegatik, “Askatasuna Kontu serioa”, aukera ezinhobea da reggae musika eta poesia astindu zuen artistaren obra ezagutzeko. LKJ ez baita idazle bat soilik, bere hitzekin, bere errimekin eta bere erritmoarekin mundu hobeago batekin amesten duen ekintzailea bada ere. Horrexegatik, ez ezazue aukera galdu, Pantx Liburuak idaztera ausartu egin den lehenengo kapituluaz gozatzeko.