35 urte ‘Azken Guda Dantza’ ahaztezin hartatik

Naiz ➝ 

35 urte bete dira gaur ‘Azken Guda Dantza’ zuzeneko ahaztezin hartatik. Fermin Muguruza abeslariak oroitu du sare sozialetan, belaunaldi batentzako kalean gertatzen zenaren eta kontatzen ez zenaren ereserki izan ziren kanta haiek gogora ekarriz. Une hura jaso du ‘Black is Beltza II’ filmak.

35 urte betetzen dira gaur ‘Azken Guda Dantza’ Kortaturen zuzeneko ahaztezin hartatik. Fermin Muguruzak berak gogoratu du igande honetan sare sozialetan. Iruñeko Anaitasuna kiroldegian grabatutako zuzeneko hark diskoa emango zuen ondoren.

Soinua zen, letrak, erritmoak, transmititutako indarra… ziren, baita belaunaldi batean arrasto sakonago bat utzi zuen kontzertua ere; sinboloek, eszenografiak… ere giro kolektibo bat osatzen zuten.

Izan ere, ‘Black is beltza’ filmaren bigarren zatian jasota agertzen den den une bat da. Ainhoa, protagonista, Iruñean da 1988ko urriaren 1ean, ‘Azken Guda Dantza’ Kortaturen laugarren diskoaren zuzeneko grabaketa horretan. Kortatu taldearen azken kontzertua izan zen.

‘After-boltxebike’, ‘La linea de frente’, ‘Zu atrapatu arte’, ‘Hotel Monbar’ edo ‘Gernika 37-87’ kanta ezagunak daude diskaren zerrendan.

«‘Azken Guda Dantza’-ri erreparatzen diozu, Telecaster ondoan eta ikurrinaren azpian estelada bat dago, herri honek Kortaturentzat izan zuen garrantziari keinua eginez. Kataluniatik Anoetako Belodromora Negu Gorriak-en kontzertura (2001) zetozen autobusek Guardia Zibilaren kontrolak jasan behar izan zituzten» aipatu zuen haren inguruan Fermin Muguruzak berak GARAn 2017an Pablo Cabezari emandako elkarrizketa batean.

Lire l’article original