Esan Ozenki

Berriak  ·  Black is Beltza II: Ainhoa  ·  Esan Ozenki  ·  Fermin Muguruza  ·  Filmak  ·  Negu Gorriak
Espainiako poliziak Irunen atzemandako 150 kilo kokaina «desagertu» ziren

Argia ➝

1988ko maiatzaren 7an, Espainiako poliziak Irunen atzemandako 150 kilo kokaina desagertu ziren, inork ikertu gabe. Ia mila kilo kokaina atzeman zituztela jakinarazi zuten eta bi urtera jakin zen bi egunera 850 zirela zeuzkatenak, azalpenik gabe. Gertaeran oinarriturik, Negu Gorriak taldeak gertaerei buruzko Ustelkeria abestia kaleratu zuen 1991ko Gure jarrera diskoan, Enrique Rodriguez Galindo Intxaurrondoko kuarteleko burua seinalatuz. Galindok salaketa jarri zuen –eta 2001ean epaiketa galdu– taldearen eta Esan Ozenki diskoetxearen aurka, elkartasun oldea eraginez. 1989an abiatutako “Navajas txostenak” Intxaurrondoko Guardia Zibilaren hainbat buruzagi narkotrafikoko operazioekin lotzen zituen, baina txostena “desagertu” egin zen. Entzun abestia jarraian:

Iturria: Desaparecen 150 kilos de cocaína aprehendidos por la policía en Irún y nadie lo investiga (El Pais)

07/05/2023

Diskak  ·  Esan Ozenki  ·  Negu Gorriak  ·  Urteurrenak
Esan Ozenkiren diskografia osatzeko falta ziren hiru biniloak berreskuratu ditu Elkarrek

Naiz →

Esan Ozenki zigiluaren 30. urtebetetzea dela eta, edizio berezi batzuk prestatu ditu Elkar argitaletxeak. Azkena binilo formatuan dator; alde batetik, Negu Gorriak taldearen diskografia osatzeko falta ziren hiru biniloak eta, bestetik, Anestesiaren EP mitikoa.

Esan Ozenki zigiluaren 30. urtemugan (19991-2021), hainbat berrargitalpen eta edizio berezi kaleratu ditu Elkar argitaletxeak.

Alde batetik, Negu Gorriak taldearen diskografia osatzeko falta ziren hiru biniloak dira, hirurak gatefold formatuan, argazkiak, kartelak edo kontzertu sarreren irudiekin moldatutako diseinuekin.

Eta bestetik, Anestesiaren lehen EParen oso berrargitalpen zaindua egin dute, hain zuzen ere ‘Toki berean’ izena duen biniloarena.

1991ean argitaratuta, 7’ singlearen formatuan, berritu ostean, oraingoa 10’koa da. Diskoetxeak azaldu duenez, disko mitiko haren oso ale gutxi egin ziren, eta «zor historikoa» zen hura «berreskuratzea eta eguneratzea».

Urte hasieran ‘Gure jarrera’ diskoaren edizio berezi bat kaleratu zuen Elkarrek, binilo bikoitzean eta aspalditik deskatalogatuta dagoen ‘Gora herria’ maxia ere barne hartu duena.

Esan Ozenkiren 30. urtemugako ospakizunak biribiltzeko, Youtuben kanal bat ireki zuten dute apirilaren 20an, eta orain arte sarean egon ez den hainbat bideo eta material interesgarri daude ikusgai bertan.

Besteak beste, hainbat bideoklip, Etsaiaken 25. urteurreneko kontzertua eta 1995eko urriaren 28ko Hitz Egin kanpainaren barruan egin zen jaialdia.

Horrez gainera, askorentzat hain bereziak izan diren bildumak ere bertan entzun daitezke: ‘Esan Ozenki Records 1991-1994’, ‘Independentzia 5 urtez’, ‘Gora Herriak’, ‘Ikastola berria eraiki dezagun Zuberoan’, ‘Factory 9’ eta ‘Independentzia 10 urtez’. Baita diskoetxea itxi eta hamar urtera kaleratu zen ‘Esan Ozenki Records 1991-2011’ bilduma ere.

29/11/2021